अर्जुनप्रसाद जोशी

संविधान सभा सदस्य / केन्द्रीय सदस्य, नेपाली कांग्रेस

बाट : कुश्मा नगरपालिका–४, शिवालय

अर्जुनप्रसाद जोशीको जन्म पर्वतको कुश्मा नगरपालिका–४, शिवालयमा भएको हो । उहाँले कुश्मास्थित नारायण माध्यमिक विद्यालयबाट कक्षा १० सम्म अध्ययन गर्नुभयो । त्यसपछि पोखराको पृथ्वीनारायण क्याम्पसबाट मानविकी संकायमा स्नातक र कीर्तिपुरस्थित त्रिभुवन विश्वविद्यालय, केन्द्रीय विभागबाट राजनीतिशास्त्रमा स्नातकोत्तर गर्नुभयो ।

विद्यार्थी कालदेखि नै राजनीतिमा सक्रिय जोशी केही समय शिक्षण पेशामा पनि लाग्नुभएको थियो । त्यसपछि जिल्ला फर्केर २०४८ सालदेखि २०६४ सालसम्म लगातार १६ वर्ष नेपाली कांग्रेसको जिल्ला सभापति भएर काम गर्नुभयो । जिल्ला सभापति रहँदै गर्दा २०५६ सालको आम निर्वाचनमा पर्वत क्षेत्र नं १ बाट प्रत्यक्ष निर्वाचित हुनुभयो । त्यसपछि उहाँ २०६४ सालमा भएको पहिलो संविधानसभा र २०७० सालमा भएको दोस्रो संविधानसभामा पनि सोही क्षेत्रबाट निर्वाचित हुनुभयो ।

पर्वत जिल्लाबाट तीनपटक निर्वाचित हुने अवसर पाउनुभएका जोशीले जिल्लाको विकास र लोकतान्त्रिक आन्दोलनमा उल्लेखनीय योगदान दिनुभएको छ ।

• बुबाको नामः अमृतप्रसाद जोशी
• आमाको नामः बालकुमारी जोशी
• मोबाइल नंः ९८५१०२६६८०
• इमेलः arjunpjoshi@yahoo.com