ज्ञानेन्द्र विक्रम महत

पूर्व प्रहरी नायव महानिरीक्षक, नेपाल प्रहरी

बाट : मोदी गाउँपालिका–६, गिजान, पर्वत

ज्ञानेन्द्र विक्रम महतको जन्म पर्वत जिल्ला, मोदी गाउँपालिका–६, गिजानमा भएको हो । उहाँले गिजानस्थित तुलोदय प्राथमिक विद्यालयमा कक्षा पाँचसम्म अध्ययन गर्नुभयो र त्यसपछि पोखराको तत्कालिन सोल्जर्स बोर्ड भोकेसनल हाइस्कूलबाट एसएलसी उत्तीर्ण गर्नुभयो । पोखराको पृथ्वीनारायण क्याम्पसबाट प्रमाणपत्र तह र स्नातक अध्ययन पूरा गर्नुभयो ।

महतले प्रहरी सेवामा निरीक्षक (Inspector) को रुपमा प्रवेश गर्नुभयो । प्रहरी सेवामै रहँदा कीर्तिपुरस्थित त्रिभुवन विश्वविद्यालय, केन्द्रीय विभागबाट राजनीतिशास्त्रमा स्नातकोत्तर गर्नुभयो । विभिन्न महत्वपूर्ण जिम्मेवारी सम्हाल्दै उहाँ प्रहरी नायव महानिरीक्षक (डिआईजी) सम्म हुन सफल हुनुभयो ।

अवकास पश्चात महत समाजसेवामा सक्रिय रहनुभएको छ । उहाँ हाल चितवनस्थित देवघाट–मौलाकाली मन्दिरको प्रमुख सल्लाहकार हुनुहुन्छ । साथै, पतञ्जली योग समिति, नेपालको सल्लाहार संरक्षक तथा कार्यकारी सदस्यको भूमिका निर्वाह गर्दै आउनुभएको छ । जागिरे जीवनदेखि अवकास पश्चातसम्म पनि उहाँले पर्वतका लागि पुर्‍याउनुभएको योगदान प्रशंसनीय मानिन्छ ।

• बुबाको नामः हरिबहादुर महत
• आमाको नामः तुलसी महत
• मोबाइल नंः ९८५१०३१८८१