बालनन्द शर्मा

पूर्व अध्यक्ष, प्राकृतिक स्रोत तथा वित्त आयोग/ पूर्व अध्यक्ष, स्थानीय तह पुनर्संरचना आयोग/ पूर्व सचिव, नेपाल सरकार

बाट : कुश्मा नगरपालिका–१०, पिपलटारी

बालानन्द पौडेलको जन्म पर्वतको कुश्मा नगरपालिका–१०, पिपलटारीमा भएको हो । उहाँले कक्षा ७ सम्म तत्कालिन पूर्णेश्वर निमावी, बितलबबाट र कक्षा ८ देखि १० सम्म जनता सुदर्शन माध्यमिक विद्यालय, ठूलीपोखरीबाट अध्ययन गर्नुभयो । २०३६ सालमा एसएलसी उत्तीर्ण गरेपछि काठमाडौं आउनुभएका पौडेलले सानोठिमी बहुमुखी क्याम्पसबाट आईएड, काठमाडौंको सरस्वती बहुमुखी क्याम्पसबाट वाणिज्य विषयमा स्नातक र एमबिए उत्तीर्ण गर्नुभयो । साथै, स्वअध्ययनमार्फत बीएल र जनप्रशासनमा एमए अध्ययन पूरा गर्नुभयो ।

पौडेलले आफ्नो जागिर जीवन शिक्षकबाट सुरु गर्नुभयो भने नेपाल राष्ट्र बैंक हुँदै निजामती सेवामा प्रवेश गर्नुभयो । २०४५ सालमा शाखा अधिकृतको रूपमा प्रवेश गरेका उहाँ २०५३ सालमा उपसचिव, २०५४ मा सहसचिव हुँदै २०६४ सालमा ४३ वर्षको उमेरमा सचिव बन्न सफल हुनुभयो । सचिवकालमा उहाँले शिक्षा मन्त्रालय, सामान्य प्रशासन मन्त्रालय, ऊर्जा मन्त्रालय, महिला, बालबालिका तथा समाजकल्याण मन्त्रालयको नेतृत्व गर्नुभयो ।

२०६९ सालमा निजामती सेवाबाट अवकास पाउनुभएपछि पौडेललाई नेपालको संविधान २०७२ अनुसार स्थानीय तहलाई ७५३ एकाइमा रुपान्तरण गर्ने पुनर्संरचना आयोगको अध्यक्ष बनाइयो । उक्त आयोगको कार्य सफलतापूर्वक सम्पन्न गरेपछि उहाँ पाँच वर्षसम्म प्राकृतिक स्रोत तथा वित्त आयोगको अध्यक्षको जिम्मेवारीमा रहनुभयो । सरकारी सेवा र आयोगमा उच्च जिम्मेवारी वहन गर्दै पौडेलले जिल्लादेखि देशसम्म पु¥याएको योगदान उल्लेखनीय रह्यो ।

बुबाको नामः दयाराम पौडेल
आमाको नामः सावित्री पौडेल